Anna Sigríður Jónsdóttir betur þekkt sem @ann_si_art á instagram kemur til okkar og verður með útsaumsnámskeið í prjónles. Námskeiðið verður 8. nóvember kl.14-17.
Á námskeiðinu lærir þú að gera helstu útsaumssporin sem henta best fyrir prjónuðu verkin þín. Það verður saumað út heil mynd og á sama tíma færðu gagnlegar upplýsingar og veittur innblástur fyrir komandi verk.
Kennt verður á tilbúna blómamynd aftursting, kontórsting, lykkjuspor, fræhnúta, ofna Rós og flatsaum ásamt útfærslu af þeim úr dmc árórugarni. Innifalið er útsaumsnál, 10-11 cm útsaumshringur og vatsnleysanlegt fliselín. þú tekur með þér heim hringinn og nálina. Anna Sigga mætir með allskonar liti í útsaumsgarninu. Gott er að taka með sér skæri, penna (sem smitar ekki. Bic er bestur) og prjónles sem er ekki minna en 14 x14 cm.
Ef það er tekin flík þá er gott að vera búin að skola úr henni.
Vettlingar henta ekki á námskeiðinu.
Gott er að taka með smá maul að borða og eitthvað að drekka. Það verður tekin 10 mín pása til að hrista sig.
